BTS SUGA-in Autism treatment center dinna tur thawh

Korean boyband BTS member SUGA (Min Yoongi) chuan naupang leh tleirawl, autism spectrum disorder (ASD) neite enkawlna tur, Autism Treatment Centre dinna turin won tld 5 a thawh.

Severance Hospital chuan nimin khan thuchhuah siamin, ASD neiten enkawlna ṭha zawk an dawn theihna turin SUGA an thawhpui thu sawiin, a sum thawh hmanga din tur "Min Yoongi Treatment Center" hawnna hun Jejungwon Hall-ah hman a ni bawk. Center hi kumin September thlaah hman theiha peihfel tum a ni. He center hian ṭawng, rilru lam leh nungchang zirna therapy an pe dawn a, program huam zau tak leh clinical care bakah rilru lam hriselna research an nei dawn bawk a ni. SUGA hi midangte tan a luangchhuak nasa hle a, rilru lam hriselna a ngaipawimawh a, a bik takin ṭhalaite depression laka an fihlim theihna turin theihtawp a lo chhuah tawh ṭhin. Rimawi lama a thiam thil hmang ṭangkaiin, hla ṭha tak tak a lo phuah tawh a ni.