London Court-ah Chris Brown-a'n thiam chang

American singer-songwriter leh dancer Chris Brown chu kum hnih kaltaa London nightclub-a buaina chhuaka puh a nihnaah thiam a chang. Brown hian kum 2023 khan Mayfair Club-ah music producer Abraham Diaw chu beiin, hriamhrei hmanga mi dang tihnat tumah puh a ni. Mahse Brown chuan an puhna hi a pha thung.

Zirtawpni liam taa hearing an neihnaah London nightclub-a thil thleng chungchangah thiam chan tir ni mah se, mi dang tih nat tuma puhna dang pahnih chu judge-in October 26, 2026-ah hearing neih turin a ti thung. Brown hi U.K.-ah tour a nei mek a, Cardiff-a show a neih zawhah London-a Southwark Crown Court-ah a inlan a ni. Thla hmasa khan Manchester-ah man a ni a, kar khat dawn custody-ah hren niin, USD mtd 6.4 a chawi hnuah chhuahtir a ni.