South Korea-ah Kanye West concert dawn

American singer leh rapper Kanye West chuan July 26 hian Channel Candy buatsaihin, Incheon Munhak Stadium-ah 'YE LIVE IN KOREA' concert a nei dawn.

Kanye hian May 31 khan a concert hming 'BULLY' tih hmanga a neih tur thu a lo puang tawh a, mahse concert neih hma ni 10 la awmah an ṭhulh thu an puang. An ṭhulh chhan hi chiang taka sawi awm lo mah se Nazism a thlawp vang leh Juda mite sawichhiatna ṭawngkam a neih vang nia sawi a ni.

Kayne hian a single "Hail Hitler" vangin sawisel a hlawh nasa hle a, he hla thuah hian "Hail Hitler" tih te awmin, Europe Victory in Europe (VE) Day-ah tlangzarh a nih vangte pawhin sawiselna a nasa zual a, he track hi Spotify aṭang pawh a paih a ni tawh nghe nghe a ni.