Sabrina Carpenter-in concert-ah phone hman khap tum

American singer leh songwriter, Sabrina Carpenter chuan tun hnaia Rolling Stone-in an kawmnaah, hma lam huna concert a neih leh turah fan-te chu concert-naa cell phone an hman khap mai a duh thu a sawi.

Please Please Please artist hian," Silk Sonic concert, Vegas-a ka kal ṭumin ka cell phone chu lock sak ka ni a, mahse hei vang hian a hmuna kal vete nen hun nuam tak ka hman phah zawk a, 1990's hun laia kir leh ni maiin ka in hria. Fan dangte nen hla kan sa ho thei bawk a, khang kha a nuam ka ti zawk takzet" tiin concert naa cell phone khap a duh chhan a tarlang.

Capenter hi nikuma a album tih chhuah, 'Short n' Sweet' hmang khan rimawi khawvelah a in vawrh phah hle a, a hla 'Manchild' hmangin Billboard Hot 100 chart-ah No.1 ni thei hla pahnihna a nei leh bawk. A studio album thar ber ' Man’s Best Friend' tih chu August thla khian a ti chhuak leh dawn bawk a, a hit leh ngei a rinawm.