Charity Volley Match & Show-ah zaithiam rual inlar dawn

Mizoram Volleyball Association-in khuarel chhiatna tawkte ṭanpuina atana Charity Volleyball match & show, zanina a buatsaih turah tunlai zaithiam lar rual an inlan dawn. Lil Kiki-an Volleyball hla thar mipui tan a rawn chhawp chhuak bawk ang.

Zanin dar 8-ah hian LPS Arena, Falkland-ah TNT Volleyball Club leh Tuichangral Volleyball Club-te an inkhel dawn a, inkhelh chawlh kar lakah zaithiam zai ngaihthlak tur a awm zel ang. Show hi LPS-1 leh Mizoram Volleyball Association Youtube channel-ah live-a pek chhuah a ni dawn a, a hmuna en turte tan zan dar 6-ah gate hawn a ni ang.

Host Laltei a ni dawn a, inkhel hmuhnawm tak kan en dawn bakah Taitea, Mawimawia, Siampuii Ralte, Ngura, Diki Renthlei, Zothana, Mary Dawngi, Peter, Zorinzuali Khiangte, Kimkima, Ticos, David Darlong, Bka Hnamte, Samuel Chhangte, Kimkima leh, Mendal te zai leh chetla kan ngaithlain kan thlir thei dawn bawk.

Zaithiam rual bakah Mizo filmstar leh mi langsar tak tak hmel hmuh tur an awm dawn a, Sangsangi, Ruthi, Papuia, Isaac (Footballer) te leh mi engemaw zat an inlan dawn a ni.