Amir Khan in Rs vbc 120-a Amazon Prime sawmna a hnawl

Bollywood superstar, Amir Khan chuan Amazon Prime Video-in a film chhuak thar tur, 'Sitaare Zameen Par' in online-a ti chhuak tura a sawmna chu a hnar. Amazon hian Amir Khan hi Rs vbc 120 in an sawm a ni.

Amir Khan hian tun hnaia film tih chhuah dan kalhmang hi thlak a duh nia sawi a ni. A tlangpuiin cinema lama tih chhuah a nih hnu lawkah digital platform-ah dah zui an ni ṭhin. Mahse hei hi Amir Khan chuan a duh ve lo a, online lama tih chhuah a nih hmain theatre-ah kar riat tal chhuah tir a duh a ni. In lam aṭanga an film duhzawng ena awm ringawt aiin, mipuite chu cinema hall lamah hip luh leh a tum a ni.

OTT platform-a dah chhuah thuai chu min cinema lama an en tlem phah chhan niin a sawi. A film thar streaming service lamah dah tum lo mah se, hun eng emaw chen hnuah chuan YouTube-ah paid viewing-a dah a tum thung.