G-Dragon-in North America leh Europe tour neih hun tur puang

K-pop star G-Dragon, Big Bang boy group member ni bawk chuan Thawhṭanni khan fan lamin an nghahhlelh tak mai Übermensch world tour a neih ni leh hun turte a puang chiang ta. Tun ṭum tour-ah hian North American leh European ram te a hrut dawn a ni.

Tour hi kumin March thla khan Seoul-ah a khuh hawnna neih niin, North America leh Europe ram pan hma hian Australia, Taiwan, Malaysia, Indonesia, Thailand leh Hong Kong-ahte hlawhtling takin a lo nei tawh bawk. G-Dragon hi a hming tak chu Kwon Ji-Yong niin, kum 2006 khan BigBang Korean boy group-ah hian a rawn in lan ṭan a, 'King of K-pop' tih hialin fan-te chuan an sawi ṭhin.

Bigbang lama a sulhnu vang hian K-pop boy group leh artist dang dang pawhin an entawn leh ngaihsan a ni zui thei a ni.