Kum 7 hnuah album thar nen Good Charlotte rawn kir dawn

American rock band, Good Charlotte chu rimawi khawvela kum sarih chhung zet thawm an neih tawh loh hnuah an studio album pariatna tur nen an rawn kir leh dawn niin Thawhṭanni khan an tarlang. Album thar hi 'Motel Du Cap' tih niin August 8 a tih chhuah hman tum a ni a, kum sarih hnua full-length an tih chhuah leh hmasa ber tur a ni bawk.

Band hian an rawn kir leh tur thu an tarlan hnuah, teaser video chu Instagram lamah album hming tur tarlan rual hian post an lo siam tawh bawk. Kum 2018 khan an album hnuhnung ber 'Generation Rx' chu ti chhuakin Billboard 200-ah No.23 a hauh pha a ni. Good Charlotte album tih chhuah tawh zingah kum 2004 ami, 'The Chronicles of Life and Death' khan Billboard 200-ah No.3 a hauh pha a, album chart-a an thlen sanna ber a ni. Band hian Generation Rx album hnuah hian kum 2020 khan single “Last December” an ti chhuak bawk a ni.