Beyonce'n Sir Paul McCartney lawmthu hrilh

Beyonce chuan Thawhṭanni zan khan London-a Cowboy Carter tour a neih chu Tottenham Hotspur Stadium-ah a khar. Hemi hnu hian a Instagram kaltlangin England songwriter ṭha leh ngaihsan hlawh, Sir Paul McCartney hnenah a hla phuah avangin lawmthu a hrilh.

Beatles 1968 classic, 'Blackbird' chu Beyonce hian Cowboy Carter-ah ama version hi a sa a ni. McCartney pawh hian Beyonce verson hi kumin kumtir lam khan a lo faksak tawh bawk a, a hmaa he hla lo hre ngai lo pawhin an ngaihven phah ngei a rin thu a sawi.

He hla hi a phuah hunlaia mi hang hmeichhia, rorelna dik lo tak hmachhawn tute fuihna leh beiseina siamsakna tura a phuah tih a sawi a ni. Beyonce chuan he hla hi a ngaihlu hle tih sawiin, khawvela hla awm tawha a tha ber zinga mi a phuah chhuah avangin McCartney chunga a lawm thu a sawi.