Ranbir Kapoor leh Alia Bhatt-te in thar man a to

Ranbir Kapoor leh Alia Bhatt-te nupa in thar tur chu peihfel a ni hnai tawh a, an in thar man hlut zawng hi Rs vbc 250 vel nia chhut a ni a, Shah Rukh Khan 'Mannat' leh Amitabh Bachchan 'Jalsa' te aiin a to dawn a, Mumbai-a Bollywood celebrity-te in zingah to ber a ni dawn.

Chhawng ruka sang, Krishna Raj bungalow hi Kapoor chhungkaw rama awmin, Mumbai-a Pali Hill hmunah a awm. Huan leh balcony nuam tak a awm. An in thar hi an fanu, Raha hmingin an dah dawn nia sawi a ni bawk. Tunah hian Pal Hill-a Vastyu apartment-ah an cheng rih a, in thara insawn luh hun pawh an nghakhlel tawh hle. Nikum Diwali pawh kha an in sak ṭhat mekah hian an lo hmang tawh a ni.