The Fact Music Awards host tur puang

The Fact Music Awards 2025, September 20-a Macao-a neih tur chu Korean TV personality, Jun Hyun Moo leh Korean girl group Girls Generation member Seohyun ten an host dawn tih TMA organizing committee chuan a puang. Broadcaster Yoo Jae Pil chu red carpet in charge a ni dawn bawk.

Jun Hyun Moo leh Seohyun kum 2018 aṭang khan he award show hi vawiruk an lo host dun tawh a, thawhdunna ṭha neiin an hnehsawh dun hle. The Fact Music Awards hi 2019 aṭanga neih ṭan niin, kum tinin rimawi lama che ṭha te chawimawina an hlan ṭhin. Award ceremony hi Asia pumpuiah channel hrang hrang aṭanga tih chhuah ṭhin a ni a, chung zingah chuan V Live leh ABS-CBN te an tel. 2020 khan pandemic vangin online hmangin an lo nei tawh bawk a ni.