YUVIKA 2025 ah Lalremruata Renthlei a tel

Indian Space Research Organisation (ISRO)-in zirlai naupang puala space education leh training programme a siam, Young Scientist Programme (YUVIKA) 2025 ah PM SHRI Jawahar Navodaya Vidyalaya, Thenzawl-a Class 9 zirlai, Lalremruata Renthlei s/o Liantluanga Renthlei a tel. He programme atan hian India ram pumah zirlai 350 chauh thlan chhuah an ni.

Kar hnih awh residential programme hi May 19 - 30 khan North Eastern Space Applications Centre (NE-SAC), Shillong ah neih a ni. Diltu zirlai 98,000 aṭangin Lalremruata hi thlan zingah a tel a, Mizoram aṭanga he programme-a tel pariatna a ni. Programme neih chhung hian zirlaite hian space science leh technology zirin model rocket an siam a, 3D leh virtual reality tool te an zirchiang bawk. Rohini-200 rocket kah chhuah lai a live-in an en bawk a ni. Astronaut Angad Prathap kawmna hun siamsak an nih bakah Guwahati Planetarium, Eastern Air Command leh Don Bosco Museum te tlawhpui an ni bawk.