Harry Potter aṭanga chhuak Fantastic Beasts movie beisei a sang

Harry Potter film ngainate tana hmaih phal miah loh tur chu Fantastic Beasts and Where To Find Them film hi a ni. He film hi Harry Potter ziaktu, JK Rowling lehkhabu ziah behchhan leh tho a ni a, bu nga a awm a, he film pawh hi panga awm leh tura ngaih a ni a, tuna mi hi a hmasa ber a ni.

JK Rowling ziak a ni a, a thawnthu velah pawh Harry Potter ang chi tho a ni. US-ah chuan November 18 hian tihchhuah a ni a, movie critics te chuan USD mtd 70 aṭanga USD mtd 75 inkar lalut thei tura ngaih a ni.

A film thawnthu ruangamah, Harry Potter chanchin awm hma, kum 10 kalta anga ziak a ni. He film hi siam a nih leh takah chuan JK Rowling lehkhabu behchhana film siam 10pna tur a ni tawh dawn. US-a tihchhuah a nih hma hian Argentina, Brazil leh Protugal-ah te chuan November 17 hian tihchhuah a ni ang. Fantastic Beasts and Where to Find Them-ah hian kum 1926-a New York-a wizard khawvela buaina leh harsatna thlen thu kan hmu ang.

Harry Potter-a a changtute erawh kan hmu tawh lo ang a, midang hlir an chang tawh dawn. Oscar-a Best Actor lo dawng tawh Eddie Redmayne te, Katherine Waterston te, Dan Fogler te, Alison Sudol te, Ezra Miller te, Jon Voight te an chang.