Mizoramah Mixed Martial Arts event lian kan hmachhawn dawn

Mizoram State Mixed Martial Arts Association (MISMA) hmalaknain MMA game ropui tak en tur Zoramah ngei a awm leh dawn ta. February thla khan hlawhtling takin MISMA chuan JSJ FitPro nen ṭangkawpin JSJ Fight League (JSL)-1 a lo buatsaih tawh a, tunah hian season one kh‡r nan JSL 2 leh 3 chu November 5 hian MZU Multipurpose hall-ah a buatsaih leh dawn. Mi tam takin UFC (Ultimate Fighting) tiin kan hre ṭhin a, MMA hi a infiamna hming a ni a, UFC te, Bellator te, SFL te hi promotion company hming a ni. Chutiang bawk chuan JSL pawh hi India hmarchhak rama MMA promotion company hmasa ber a ni ve a ni.

JSL 1 leh 2 hi semi final ang a ni a, 3 hi final a ni a, title belt leh Mizoram ranking nei turin weight 5-ah Mizo tlangvalte an intum dawn. Chung weight category te chu Fly, Bantam, Feather, Light leh Welter te a ni. He event-ah hian kum tir lamah JSJ contenders buatsaih a ni a, MISMA headquarters, gym ni bawk, JSJ neitute ta JSJ FitPro Khatla-ah training nasa takin an nei. Tun ṭumah hian district pali ñ Aizawl, Serchhip, Mamit leh Kolasib aṭangin infiam mite an tel dawn a, official turin Lunglei leh Champhai lam an rawn tel dawn bawk. Mizoramah hianprofessional fighter pawh paruk lai kan nei tawh a, kan pro fighter neih ṭhat Zorinmawia leh Zorammawia te bakah mi dang pathumte chu Super Fight League professional season thar, January 2017 aṭanga khelh turah coantract an sign a, ESPN-ah live-a chhuah ṭhin a ni ang.