Tom Cruise-a'n Guiness World Record siam

Holywood actor Tom Cruise chuan a film thar ber, 'Mission: Impossible- The Final Reckoning' hmangin Guiness World Record a siam. He film-ah hian parachute kangah vawi 16 a zuang thla a, hei vang hian Guiness World Record chuan "most burning parachute jumps by an individual" ah a thlang.

Cruise-a'n helicopter aṭanga parachute kangah a zuan thlakna scene hi Drakensberg, South Africa-ah chan a ni. Shooting neihnaah hian Cruise chuan camera pound 50-a rit a pai a, ft 75,000 a sang aṭangin a zuang thla a ni. Guinness World Record editor-in-chief Craig Glenday chuan Tom Cruise hi a fak hle a, action hero lem a chang mai ni loin, amah hi action hero a ni, a ti. 'Mission: Impossible - The Final Reckoning' hi Christopher McQuarrie direct niin, spy series kum 1996-ah siam ṭan a ni. He film-ah hian Simon Pegg, Ving Rhames, Vanessa Kirby, Haylet Atwell, Esai Morales leh Pom Klementieff te pawh an chang a, May 23 khan theatre-ah tlangzarh a ni.