Miley-in Hannah Montana hla sa thiang tawh lo

American singer leh songwriter ni bawk, Miley Cyrus chuan Spotify-a 'The ringer' postcast-ah khawvelin an hmelhriat ṭanna musical drama "Hannah Montana" a hla reng reng a sak a rem tawh loh thu a sawi chhuak. Kum 2011-a Disney aṭanga a chhuah hnu khan a lar chhuahna hla hrang hrangte hi a sak an phalsak tawh lo a ni.

Miley Cyrus hian music career-a zinkawng zauhin rimawi ṭha tak tak leh album hit tak tak a tih chhuah chhunzawm a, chawimawina hrang hrang pawh a dawn chhunzawm reng tho a ni. Mahse," Khang hlate khan ka hmel leh ka aw an la pu reng chunga ka sa thei tawh lo hi a hrehawm ka ti" tiin Hannah Montana hla a sa zui thei lo chu a ui hle.

Disney a chhuahsan hnuah pawh 2024 khan Disney Legend huangah a hming tarlan a la ni zui tho a ni. Miley hian June 12 khan a visual album thar ber minute 55 a thui 'Something Beautiful' a ti chhuak.