Blumhouse-in Twisted Pictures hnen aṭangin 'Saw' lei

Blumhouse production chuan serial killer turu lutuk chanchin tarlanna 'Saw' film franchies zawng zawng chu a ti chhuak hmasa tu, Twister Pictures hnen aṭangin neitu nihna rights an lei. Horror film hmuhnawm leh rapawm tak rights lei chhawnah hian Lionsgate chu partner a nih chhunzawm dawn a, anni hian 50% share an nei ve thung.

Saw film hmasa ber hi kum 2004 a tih chhuah niin tunah hian Saw franchise-ah hian film 10 tih chhuah a ni tawh bawk. A film hi John 'Jigsaw' Kramer serial killer in a mi mante that mai loa nunna thapna game khirhkhan tak tak a khelh tir ṭhinna niin, hmuhnawm tih a hlawh hle a ni. Blumehouse-in rights an lei hma hian Saw hmasa ber khan khawvel pumah USD mtd 104 sum la lutin, franchise film thar ber Saw X khan khawvel pumah USD mtd 112 a la lut pha bawk. 'Saw XI' chu kumin September-a tih chhuah hman turin buaipui mek a ni.