Andrew-a Nunna Thar Thazualah a tha ber

Kum 2015-a music video a tihchhuah tawh kha a ni a, amaherawhchu eng emaw avangin TV-ah a dah lo reng a, TV-a a dah hnuah erawh Andrew-a hla 'Nunna Thar' chu a hit hle a, Hontrade International Ṭhazual Fakna chart thar berah pakhatna a rawn luah.

Andrew-a hi Ṭhazual chart-ah pakhatnaa a vawi khat awmna a ni lo a, kum 2013 khan a zawnin pakhatna vawi li lai a lo ni tawh. Andrew-a hian kum 2013, February 11
aṭang khan 'Van in nuam' hla hmangin chart-ah hian pakhatna a luah ṭan a, February 25-a chart tihchhuahah te, March 11 leh March 25-ah te 'Van in nuam' hla hmang hian pakhatna a luah chho zui a ni. Tun hi Ṭhazual chart-ah pakhatna a luah vawi ngana a ni.

Tuna pakhatna a nihpui hla 'Nunna Thar' hi Hontrade International Ṭhazual 10-ah August 29 aṭang khan kan hmu ṭan a, pariatnaah bul a rawn ṭan. September 12-a Ṭhazual chart tihchhuah lehah kha chuan palinaah a invawrh dawrh a, chumi hnuah pathumnaah kai chhoin, tuna chart tihchhuah hma chiah, October 10 kha chuan pahnihna a rawn kai ta a ni.

Pakhatna aṭangin Stacy VL Muanpuii hla 'Hnehna hla mawi' chu pahnihnaah a chhuk thla a, palina aṭangin One in Christ hla 'Min chhungkhat leh ṭhin' tih chu pathumnaah a rawn kai. Pasarihna aṭangin Electric Veng Branch KṬP (Matthaia Grp) hla 'Ka ring zel ang che' tih chu palinaah a rawn kai chho a, pathumna luah ṭhin PBK Liankhuma chu panganaah a chhuk.

Top 10 aṭangin Cindy Lalramhlimawmi hla 'Aw Thlarau Thianghlim' chu a chhuak a, hla thar dang kan hmu thung. Top 10-a rawn kai thar hi pakhatna pawh lo luah tawh Vanlalpari, Mapuii kha a ni a, a hla thar 'Hei hi khawngaihna mak' tih nen 10-naah a rawn lang.

Hontrade Internatio≠nal Ṭhazual Fakna

1 Andrew Laltlankima - Nunna Thar

2 Stacy VL Muanpuii - Hnehna Hla mawi

3 One in Christ - Min chhungkhat leh ṭhin

4 Electric Veng Branch KṬP (Matthaia Grp) - Ka ring zel ang che

5 PBK Liankhuma - Ka chung rammawiah

6 Thelma - Isu I hnena awm ka duh

7 Lalchhanhimi Palian- Ka vui lo'ng e

8 David Vanlalpeka - Immanuela

9 Fall Profane - A phar reng si

10 Vanlalpari - Hei hi khawngaihna mak