Hlaphuah thiam PC Lalṭhakima a thi

Mizo hla tha leh lar tak tak phuahtu, PC Lalṭhakima (58), 'Rimawi Khawvel' editor leh award buatsaihtu ni bawk chu, nimin Thawhṭanni chawhma dar 11:15 khan Civil hospital, Aizawlah a thi a, vawiinah an chenna Ainawn Vengah vui a ni ang.

PC Lalṭhakima hian hla eng emaw zat a phuah a, Liandingpuii sak 'Thiam channa kraws' leh C Lalhmingmawii sak 'Kum sangbi tharah Krista tan' tihte chu a hla phuah lar tak tak zinga mi niin, heng bakah hian hla ṭha tak tak eng emaw zat a lo phuah tawh bawk. Kum 2000 bawr vel aṭang khan 'Rimawi Khawvel' chanchinbu ti chhuakin, editor a ni a; Rimawi Khawvel Music Award an buatsaih ṭhin bawk.

Zai leh hlaphuah lama hriat hlawh tak a nih bakah, PC Lalṭhakima hi ramngaw, nungcha leh environment humhalh kawnga mi ṭhahnemngai tak a ni a; kum 2009, June 4 khan a hoin Green Mizoram Network(GMN) din a ni. Founder president niin kum 16 chhung office bearers-ah nihna hrang hrang a chelh a, a thihni thleng hian Sr. Vice President hna a chelh a ni.