Lisa Documentary siam mek a ni

Korean girl group BlackPink aṭanga kan hriat lar Lisa documentary chu Sony Music Vision bul tumin siam hna kal pui mek a nih thu Sony Music lam chuan an puang. Documentary hi LLOUD CO/RCA Records leh Tremolo Production te produce niin Sue Kim-in a direct dawn bawk.

Documentary siam mekah hian Lisa-in Blackpink member ni chunga solo a rimawi zinkawng a zawh dan tarlan a nih bakah, a album hmasa ber Alter Ego a tih chhuah dan chungchang pawh tarlan tel a ni dawn.

Blackpink group huang pawnah pawh a duai lo hle tih tarlang thei tur niin production company lam chuan an tarlang. Lisa album hi Billboard 200 ah Top 10-ah a lan bakah No.1 pawh a nih pui thei a ni. Lisa hi film lamah pawh a mikhual lo a, HBO kut chhuak 'The White Lotus' season 3 -ah pawh khan a inlan a ni. BlackPink hian tun nipuiah tour an nei leh tawh dawn a ni.