"Stranger Things" season 5 chhuah hun tur chiang ta

American writer, director/producer Duffer Brothers tia hriatte kutchhuak, "Stranger Things" season ngana leh a tawpna ber tur chu part thuma ṭhen niin, a hmasa ber hi November 26 a tlangzarh tur a ni a, a pahnihna hi December 25 leh a tawpna ber hi December 31-a tlangzarh tur a ni tih an puang chiang ta. He thu hi Inrinnia Netflix Tudum fan event, Kia Forum, Los Angeles-a neihah puan a ni.

"Stranger Things" Season 5-ah hian a changtu ngai an chan leh bakah, "Terminator" star Linda Hamilton pawh a rawn inlan dawn. Season 4 kha kum 2022 nipui laiin part hnih chu May leh July-ah a hranga tlangzarh a ni a, episode te hi darkar khat chuang niin, Part 2 episode hnuhnung ber kha darkar hnih aia rei a ni bawk.