'Dilna Chhangtu' MV album tlangzarh

'Dilna Chhangtu' (Lallawmzuali hlate) music video album chu May 29, 2025 zan dar 7:30 khan Lal Thanhawla Auditorium-ah Malsawmdawngliana'n Pathian hnenah hlanin a tlangzarh. Album preview hi Chris MS Dawngkima'n a nei bawk. He album ah hian hla 10 awmin zaithiam hrang hrangte'n an sa a ni.

Music video album hlan rual hian hla phuahtu, Lallawmzuali'n a hla phuah chhan a ziahna lehkhabu, Dilna Chhangtu (Min hruaina leh hrualna) tih chu hlan tel nghal a ni. He album-ah hian zaithiam Melody, Tetea, Duhsaki te bakah Praise On 2024 winner, Thlanawma leh top 5 Maria-te an zai a, album buatsaihna atan hian thla sarih vel hun an hmang. Hla phuahtu Lallawmzuali hi Synod Higher Secondary School-ah lecturer thawk lai a ni.