Self-made billionaire ni thei naupang ber MrBeast

YouTuber Jimmy Donaldson, MrBeast tia hriat lar zawk chuan billionaire club a zawm thei ta. Celebrity Net Worth in a hausakna hi USD tld 1 a tling tawhin a chhut a, kum 27 mi MrBeast hi khawvela billionaire naupang pasarihna a nih bakah, self-made billionaire ni thei naupang ber a ni.

MrBeast hian rawlthar a nih lai aṭangin YouTube video hi a siam a, North Carolina-a an in aṭangin a siam ṭhin. A rawn lar leh hlawhtlin chhohna chu kum 2017-a a video siam, 'I Counted to 100,000' tih niin he video siamna atan hian darkar 44 a hmang a, view mtd 31 chuang a nei bawk. Tunah hian YouTube-ah mimala subscriber ngah ber niin subscriber mtd 398 a nei meka, video hi 873 a post tawh bawk.