LPS-in 'Mizo Talent' show buatsaih dawn

LPS Vision Production chuan Mizo zinga talent nei ṭha te phochhuahna tur, TV Reality show, 'Mizo Talent' tih a buatsaih dawn. Pakhatnain lawmman Rs nuai 2 a dawng dawn a, Top 10-a tlingte tan lawmmawn ṭha tak siam a ni bawk ang.

'Mizo Talent' ah hian intihsiakna tur category paruk awmin - Zai, Lam, Instrumental Music, Magic Show leh Acrobatics te an ni. Category hrang hrangah hian mimal leh pawl (Group) angin a tel theih dawn a, Comedian-ah hian Stand-up comedian tan tel theih a ni ang. June 3, 2025 aṭangin LPS office, Zarkawt-ah form a lak chhuah theih dawn a ni.

LPS Vision hian TV Reality Show hlawhtling tak tak a lo buatsaih tawh ṭhin a, nikum 2024 khan hlawhtling takin Youth Icon leh LPS Profight an buatsaih a, tun hnaiah MVA nen Pro Volleyball League 2025 hlawhtling takin an buatsaih leh bawk.