aespa ten Japan fan meeting zo fel ta

Korean girl group aespa chuan Japan-a fan meeting an neih chu hlawhtling takin an zo fel ta. He hunah hian anmahni ngaisangtute an ṭhahnem hle. May 24 leh 25 khan 'MY-J presents aespa JAPAN FANMEETING 2025 'To MY WORLD' tih chu Pia Arena MM, Yokohama-ah neiin, Japan-a anmahni ngaisangtute nen hun hlimawm tak leh hriatreng tlak an hmang ho.

Show khuhhawnna atan an Japanese digital single 'ZOOM ZOOM' an perform bakah, kum 2024-a an hla hit "Supernova' leh 'Whiplash' te an perform a, an Japanese debut single 'Hot Mess' pawh an sa bawk. He hunah hian aespa chuan arena tour an neih tur thu an puang nghal a, October 4 hian Fukuoka-ah neih ṭan a ni ang. Tour hi Tokyo, Aichi leh Osaka ah te neih chhunzawmin heng khaw paliah hian vawi 10 ṭheuh an perform dawn a ni.