'Tempest' ah Jun Ji Hyun leh Kang Dong Won chang dawn

South Korean actress leh model, Jun Ji Hyun leh South Korean actor Kang Dong Won te chu Korean drama thar, "Tempest" ah an chang dun dawn.

May 23 khan Walt Disney Company Korea chuan Gangnam headquarters, Seoul-ah "Open House" event an nei a, he hunah hian a changtu turte an puang. Jun Ji Hyun leh Kang Dong Won-te bakah Hollywood actor leh "Star Trek" star John Cho pawh a chang dawn. He drama-ah hian Jun Ji Hyun chu Moon Ju lemah changin, diplomat leh UN ambassador hlui zahawm tak niin special agent, San Ho (Kang Dong Won) nen Korean Peninsula hma hun tichhe thei zawnchhuah kawngah an thawk dun dawn a ni. "Tempest" hi kumin kum laihawlah Disney + ah premiere a ni ang.