Madame Tussauds-ah Princess Kate lim khuh hawng

Princess of Wales, Kate Middleton-i lim siam thar chu London-a Madame Tussauds museum-ah Nilaini khan an khuh hawng.

Kum 43 mi, Princess of Wales lim hi Jenney Pakcham gown hak tir a ni a, Royal Victorian Order sash bah tirin Lover's Knot tiara khum tir a ni bawk. A incheina hi December 2023-a Buckingham Palace-a annual Diplomatic Reception neihnaa Kate-i incheina an entawn a ni. Museum senior general manager, Steve Blackburn chuan an studio team thiam tak tak ten uluk taka an siam a ni tih a sawi.

Princess Kate lim hi a pasal, Prince William lim bulah dah a ni. Kate lim hi kum 2012, April khan Madaem Tussauds museum-ah hian dah a lo ni tawh a, mahse an inneih kum 14-na pualin studio artist-te chuan a lim hi an siamṭha leh vek a ni.