Chris Brown bail-in chhuah

American singer/songwriter, leh dancer, R&B star Chris Brown chu kum hnih liam taa pawikhawihna avangin May 15 khan a thlenna, Manchester-a Lowry Hotel aṭangin man a ni a, Nilaini khan London judge-te chuan a thubuai neih aṭang hian USD mtd 6.7 chawi tirin bail-in an chhuah.

Brown hian lung-in aṭanga chhuah a nih hnuah a social media account aṭangin a chanchin hi a rawn post a, "FROM CAGE TO THE STAGE" tihin caption a rawn siam nghe nghe a ni.

Brown hi tun hnaiah lo pawh thubuai neiin lungin a lo tang zeuh zeuh tawh ṭhin. Bail-a chhuah a nih hnu hian BREEZYBOWL XX stadium tour a neih hun tur chiang lo pawh tih chian a ni a, June 8 hian Amsterdam-ah khuhhawnna hun neih a ni ang. Tour neih karlak, June 20 hian a thubuai hi hearing neih turin court chuan a ruat bawk.