Abdul Kalam Biopic-ah Dhanush chang dawn

India National Film Award pawh lo dawng tawh, Bollywood star Dhanush chuan India president hlui leh aerospace scientist, Dr. APJ Abdul Kalam chanchin film a siam turah Kalam-a lemah a chang dawn. He film hi 'Kalam: The Missile Man of India' tih niin, Cannes Film festival neih meka Film Market-ah puanzar a ni.

He project hi Om Raut direct tur niin, Raut hian film dang ṭha tak tak, “Tanhaji: The Unsung Warrior,” “Neerja” leh “Maidaan” film te a lo direct tawh a ni. Kalam-a film hi amah ngeiin a chanchin a ziahna, lehkhabu hralh tla tak "Wings of Fire" zulzuia siam a ni dawn. A zinkawng ropui tak, tlawm tak aṭanga 'Missile Man of India' bakah, India President 11-na a nih chho dan te tarlan a ni ang.