Live-action Street Fighter movie chang tur an hraw

Video games lar leh khelh hlawh tak, Street Fighter chu live action-a siam tum niin hmalakna a kal chho mek. Street Fighter game hi kum 1987 a tlangzarh tawh niin, one-on-one insual game niin, khawvel pumah tih chhuah a nih aṭangin unit mtd 55 chuang hralh chhuah a ni tawh a, games hriat hlawh leh video games franchise sum la lut tam ber a ni.

Live-action siam turah hian Kitao Sakurai chu director atan hian ruat niin, video games company Capcom chuan an co-produce dawn bawk. Producer tur ber tih chian a la ni lo thung. He film thara chang tur hrang hrang hming sawi lan zingah action star lar tak tak - Andrew Koji, Jason Momoa, Noah Centineo, leh Roman Reigns te hming an tel.