Thlalak post vangin JLo-in khin tawk

American singer,songwriter leh actress, lam thiam tak ni bawk Jennifer Lynn Lopez chu, Hollywood party a kal naa a thlalak, photographer leh paparazzi agency ten an lo lak sak social media platform Instagram leh X-a a post vangin khin a ni. JLo hi photographer Edwin Blanco leh a thawhna agency Backgrid chuan copyright hmangin an khing.

Amazon MGM Studios leh Vanity Fair Party, Los Angeles-a neihah hian JLo hi fauxfur coat var hain a in lan a, a thlalak post pahniha a in cheina inbel te hi a khingtu lam chuan commercial atana hman tur a nih thu leh phalna nei loa post a nih vang hian an khing zui ta niin an sawi.

JLo khingtu Backgrid leh Blanco chuan USD 150,000 ve ve pek an phut bawk. JLo hi kum 2019 leh 2020 khan mi dangin thla an laksak a post vangin khin a lo tawk tawh a, ani bakah hian mi lar dang Dua Lipa, Gigi Hadid, leh Khloe Kardashian te pawhin JLo ang tho hian thlalak post vangin khin an lo tawk tawh bawk.