Indian writer Banu Mushtag-in International Booker prize dawng

Indian writer, lawyer, leh activist ni bawk Banu Mushtag chuan a lehkhabu ziah, thawnthu tawi dah khawmna 'Heart Lamp' hmangin International Booker prize-a dawng. 'Heart Lamp'-ah hian thawnthu tawi 12 awmin kum 1990 aṭanga 2023 chhunga a ziah te an ni. Chawimawina hi Geetanjali Shree chuan kum 2022 khan a lehkhabu 'Tomb of Sand' hmangin a lo dawng tawh bawk.

'Heart Lamp' hi South India-a ṭawng hman tlanglawn Kannada a ziah niin, Deepa Bhasthi chuan English-a letlingin khawvel mipui tam zawk chhiar theiha dah a ni. Muslim hmeichhia, India chhimlama chengte nun hahthlak zia tarlanna niin, heng lai huam chhunga hmeichhiate thil tawn khirhkhan tak tarlangtu ṭha tak a ni.

Mushtag hian kum 10 chuang journalism lama a thawh hnuah lawyer hna a thawk chhunzawm leh a, thawnthu tawi dah khawmna, essay leh novel dahkhawm te a ti chhuak tawh bawk. A lehkhabu kaltlanga a ngaihdan leh thil hmuh dan a ziah vang hian a chenna South India huam chhungah huat leh beih zui a tawk nasa hle.