Vawiinah Rihanna hla thar a chhuak dawn

Hunrei tak rimawi huanga a reh hnuah, Barbadian singer Rihanna chuan kum thum hnuah a ṭum khatna turin vawiin hian hla thar a ti chhuak dawn. Hla thar tih chhuah tur hi Smarfs movie a mi tur niin "Friend of Mine" tih a ni.

Rihana hian Nilaini khan hla thar tih chhuah tur chungchang tarlan pahin a trailer nen a rawn tarlang. Hei hian Smurfs film-ah aw a thawh ve dawn tih a rawn tih chian nghal bakah, he project atan hian producer a ni nghal bawk a ni.

Hla thar hi vawiin lamah chhuak dawn mah se Smurfs film erawh July 18 hian theater-a pek chhuah a ni dawn thung. Smurfs film thar tur hi Chris Miller direct niin kum 2017 a tih chhuah 'Smurfs: The Lost Village' hnua tih chhuah leh hmasak ber tur a ni.