Halle Berry thawmhnaw thlak tir leh

Cannes festival organizer ten festival neihna huam chhung leh red carpet huanga thawmhnaw hak tur kaihhruaina, dress code thar, May 12 Thawhṭanni liamtaa an tih chhuah hnuah, Halle Berry chu press conferene-a a in lan dawnah a thawmhnaw hak chu phal chin aia a sexy avangin hun tepter tawh takah thlak tir leh a ni.

Halle Berry chuan," Gaurav Gupta kutchhuak thawmhnaw mawi tak mai hak ka tum chu, phal chin ang a nih loh avangin ka ha thei ta lo" tiin, a thawmhnaw thlak leh chungchang hi a sawi. Dan siam bawhchhetu nih hi a duh lo tih sawiin, saruak lam lang tlem tur dan an siam ṭha a tiin a fak zui nghal bawk. Berry hi kumin Cannes Festival-ah hian jury member a ni.