LBS Suzuki-in Kulikawn West-ah showroom leh service station hawng

LBS Group chuan LBS Suzuki hnuaia an sumdawnna huang zauh belhin, Ningani hian Kulikawn West-ah showroom leh service station an hawng a, Aizawl district chhunga pathum an hawnna a ni.

Suzuki Motorcycle India Private Limited hnuaia Service lama Regional Manager Niladri Sekhar Chakraborty chuan ribbon chep chatin a hawng a, mi paliin scooter an lei chhuak nghal.

LBS Suzuki Dealer Principal H Ngurdingliana Ngurte chuan an hmunpui Bawngkawnah tih theih ang zawng zawng Kulikawn West-ah an kalpui vek dawn tih a sawi. Kum nga kal ta aṭang khan Kulikawn West-ah hian service station an kalpui tawh a, chawhrualin ni tin lirthei 50-60 an khawih ṭhin tih sawiin, tunah chuan service leh showroom changtlung tak hawn a ni thei ta a, Aizawl chhim lam mite tan awlsamna a nih ngei a beisei thu a sawi.

India rama Suzuki Motorcycle dealer zingah LBS Suzuki hian pakhatna nihna a nei fo a, service lama ti ṭha ber an nih ṭhin bakah April 2025 chhunga lirthei hralh tam ber an ni.