Billboard 200 chart tharah Bad Bunny rawn kir

Peurto Rican global superstar, Bad Bunny chu Billboard 200 album chart tharah 'Debí Tirar Más Fotos' hmangin No. 1 ah a rawn kir. Chart hmasa lamah pasarihna a ni a, No.1 a rawn nih leh theih chhan hi album vinyl release tharin album sales a rawn boost vang a ni.

Spanish ṭawnga siam hlate hian ṭum dangah Billboard chart-ah hian pakhatna dinhmun an hauh thei ngai lo a, Bad Bunny album 'El Último Tour del Mundo' 2020-a tih chhuah hnu khan Latin music-in chart an rawn thununna chiah a ni. 'Debí Tirar Más Fotos' hian equivalent album unit 84,500 neiin kar 18 chhung chart ah a lang tawh bawk.

Ṭum danga rawn lang ngai lo, regional Mexican group Fuerza Regida chuan bung thar rawn kaiin, an album thar ber '111XPANTIA' chu No.2 an rawn nihpui. Billboard 200-ah Latin music-in kum 69 hnua a vawikhat nan No 1 leh 2 an hauhna a ni. Fuerza Regida album '111XPANTIA' hian tih chhuah a nih karah equivalent album unit 76,000 an nei pha.

Billboard album chart thar berah hian pathumnaah SZA 'SOS' awm lehin equivalent album unit 52,000 a la nei pha a, Morgan Wallen album 'One thing at a Time' chuan equivalent album unit 46,000 neiin palina a hauh nghet rih, Kendrick Lamar 'GNX' chuan equvalent album unit 45,000 neiin Top 5 a rawn khar a ni.