BTS Jin music video-ah Shin Se Kyung inlan dawn

Media hrang hrangte chuan May 13 khan Korean actress, Shin Se Kyung chu BTS Jin music video "Don't Say You Love Me"ah a inlan dawn tih sawiin, hei hi a solo album thar tur 'ECHO' title track zinga mi a ni.

Jin chuan an group official social media account-ah a title track music video poster hi a pholang tawh bawk. "Don't Say You Love Me" hi pop track a ni a, ngaihthlak nuam tak niin, Jin aw hahdam tak leh thiam tak hmangin hmangaihnain rilru hahdamna leh hrehawmna a thlen theih dan te pholan a ni. Music video hi dramatized format-a siam niin, actress Shin Se Kyung chu hmeichhe lead-ah a chang. 'ECHO' hi May 16-ah tlangzarh tur niin, album-ah hian band sound aṭanga siam genre hrang hrang track pasarih a awm dawn a, title track "Don’t Say You Love Me" pawh a tel dawn a ni.