Eurovision-ah Céline Dion inlan

European Broad-casting Union (EBU) buatsaih, Eurovision Song Contest semi-final-ah Céline Dion inlanin, video hmangin thuchah tawi a rawn sawi. Canadian singer hi kum 1988 khan Switzerland-a inelnaah pakhatna a lo ni tawh a ni.

Céline-i'n video kaltlanga thuchah tawi a rawn sawina hi ceremony interval laia tih chhuah niin, an zinga tel ve a chak thu leh, Switzerland chuan a thinlungah hmun pawimawh tak a luah reng thu a sawi. Mimal takin a hmunah hian tel thei lo mah se, organiser-te tan chuan thil hlu tak niin tunkara final lo awm turah pawh a telpui theih ngei an beisei. Dion hian a hriselna lamah harsatna tawkin, stiff-person syndrome (SPS) a neih avangin ke a kal a harsat a ni. A natna avanga kum li chhung rimawi a chawlhsan hnuah kum kalta nipui lai khan Paris Olympics-ah rawn kir lehin, Eiffel Tower aṭangin Edith Piaf hla classic Hymne à l’Amour a sa a ni.