Nicki Minaj-i'n movie lam a hawi

Film-ah a aw kan ngaithlain amah pawh a lo lang ve tawh a, a phur chho zel a, Nicki Minaj hian movie lama a hun pum hman a ngaihtuah ṭan mek. Mahse album pathum a tichhuak leh phawt ang.

Nicki Minaj hian movie chan nuam a tih thu a sawi a, chuvang chuan music kalsan a, movie lama a hun pum hman a tum thu a sawi. Chumi hmain tih tur a insiam a, chu chu album pathum a tichhuak leh phawt ang a, tichuan movie lamah a hun pumin a inphum tawh dawn a ni.

Minaj hi kum 2012-a chhuak, Ice Age: The Continental Drift-ah khan a aw a thawh a, kum 2014-a romantic comedy chhuak, The Other Woman-ah khan a lang bawk. Barbershop: The Next Cut-ah a chang bawk a, heng tawnhriat a neihte hian movie lamah a tiphur zual hle a ni. Amah hrim hrim hi school a kal laiin, performing arts a lo zir tawh ṭhin a, chungte chuan a pui hle.