Youtuber sum lalut tam ber Naupang kum 9 mi Ryan Kaji
Texas, US-a mipa naupang kum 9 mi, Ryan Kaji chu kum 2020 chhunga khawvela Youtuber zinga sum lalut hnem ber niin Forbes Magazine chuan a tarlang.
Ryan Kaji hian a Youtube channel, Ryan's World tihah toys leh games chi hrang hrang a review ṭhin a ni. Kum 2020 chhungin USD maktaduai 30 dawn a lalut a, Youtuber dang zingah amah aia kum khat chhunga sum lalut tam an awm lo.
Khawvel naupangte'n an ngaihven leh lawm, Ryan Kaji hian Youtube channel hi kum 2015, March thla aṭang khan a siam ṭan a, tunah hian subscriber vaibelchhe 2.77 zet a nei a, video 1,800 chuang a post tawh.
A Youtube channel aṭang bik hian USD mtd 29.5 a lalut a, Ryan's World branded toys leh clothing aṭangin USD mtd 200 zet a lalut tel bawk. The Guardian chuan Ryan hian Nickelodeon-ah ama pual TV series siamna turin multimillion dollar deal a sign niin a tarlang bawk.
Youtuber sum lalut tam 10
Forbes Magazine-in kum 2020 chhunga an YouTube channel hmanga sum lalut tam 10 a thlante chu -
1. Ryan Kaji - USD mtd 29.5
2. Mr Beast - USD mtd 24
3. Dude Perfect - USD mtd 23
4. Rhett and Link- USD mtd 20
5. Markiplier - USD mtd 19.5
6. Preston Arsement- USD mtd 19
7. Nastya - USD mtd 18.5
8. Blippi - USD mtd 17
9. David Dobrik - USD mtd 16
10. Jeffrey Lynn Steininger - USD mtd 15