Golden Globes-ah ‘Best Podcast of The Year' tel tawh dawn

Golden Globes chuan a huang zauhin, nakkuma award vawi 83-na sem turah category thar, Best Podcast of the Year a telh tawh dawn.

International film leh television lama che ṭhate hnena chawimawina pek ṭhin, Golden Globes awards chuan podcast in entertainment khawvela nghawng a neih dan leh a pawimawh dante hriain, a pualin category thar hi a rawn siam dawn ta a ni. Nakkum January 11-a 83rd Golden Globe Awards neih hunah, film leh TV lama che ṭhate bakah podcast lama che ṭhaten award hi an dawng ve tawh dawn a ni. Podcast category hian audio leh video format a huam dawn a, podcast lar 26 thlang chhuakin phawtin, heta ṭang hian final list atan paruk chhawp chhuah an ni ang. Guideline kimchang zawk hi tih chhuah thuai an tum.