Catholic Cardinal ten 'Conclave' film rawn turin ti

Pope Francis a thih hnuah, amah thlaktu tur thlanna buaipuiin 'Conclave' chu Nilaini aṭanga neih ṭan a ni. Catholic cardinal-te chu Edward Berger a film siam 2024-a tih chhuah 'Conclave' chu pope thar thlanna atana inzir zauna atana hmang ṭangkai turin thurawn pek an ni.

Politico-in a tarlan danin Pope thar thlan tura Conclave neih meka cardinal tel tam zawk chuan Vatican politics leh inkaihhruai dante an hriat chian vek loh avangin, Berger-a film hian a tak a tluk teuh em avangin Conclave film aṭanga zir tur awm te chu a ṭangkai theih tur thu an sawi.

Nikuma tih chhuah, 'Conclave' hi North American Box Office-ah pawh a cheṭha hle a, Oscar nomination pawh pariat lai a hmu a ni. Film-ah hian mipat hmeichhiatna hmansualna leh landan vanga mi dang hmuh mawh ringawtna sakhaw pawl chhunga awm chungchang tarlan niin, Fiennes Lawrence-a'n Pope tur candidate zinga hmingchhiatna nei a chhuichhuah dan te tarlan a ni bawk. 'Conclave' film hi Robert Harris novel aṭanga lak chhawn niin, hemi hma hian Vatican lam chawilarna film 'The Two Popes' chu 2019 khan tih chhuah alo ni tawh bawk a ni.