Grand Theft Auto 6 trailer pahnihna ti chhuak

Grand Theft Auto 6 chhuah hun tur ti khawtlaiin, nakkum May thla nghah thlen leh phawt a ngai dawn tih an puan hnuah, Rockstar Games chuan trailer pahnihna a rawn ti chhuak.

Kar liam ta khan video game siamtu hian GTA 6, kumin favanga chhuak hman tura fan lamin an lo beisei chu nakkumah a chhuak zawk dawn tih a puang a, fan-te pawh a ti lunghnur hle. Mahse Nilaini khan trailer thar rawn ti chhuakin protagonist pahnih - Jason leh Lucia ten Rockstar Florida version, Leonida state-a an thiltihte an rawn lang a ni.

GTA game hnuhnung ber hi kum 12 liam taa tih chhuah kha a ni a, hei vang hian fan-te chuan a game thar chhuah hun hi an nghakhlel tawh hle. Kum 2023 kumtawp lam khan GTA 6 trailer hmasa ber chu tih chhuah a lo ni tawh a ni. GTA 6 chhuah hun tih khawtlai zel chungchangah Rockstar lam insawifiahin, fan-ten an beisei ang quality ṭha siam turin hun a duh belh hle tih an sawi a ni.