Box Office: No 1-ah Thunderbolts

North America Box Office chart thar berah Marvel leh Disney film, 'Thunderbolts' chuan hma rawn hruaiin, tih chhuah a nih karah theater 4,330 aṭangin USD mtd 76-a la lut. Superhero movie-a character hriat hlawh lo zawkte channa niin, beisei aiin a che ṭha hle a ni. He film hi North America-ah USD mtd 70 aṭanga USD mtd 75 inkar la lut tura chhut niin, ni thum chhungin USD mtd 74.3 a la lut nghal a ni.

'Thunderbolts' hi Jake Schreier direct niin, film-ah hian pawn lam mi leh comic book-a character hriat hlawh lo zawkte pholan an ni. Pugh leh Stan te bakah, Wyatt Russell, David Harbor, Lewis Pullman, Hannah John-Kamen, Olga Kurylenko leh Julia Louis-Dreyfus te an chang.

Ryan Coogler leh Michael B. Jordan te original, R-rated vampire thriller 'Sinners' chu kar thum chhung No.1-a nih hnuah USD mtd 33 la lutin pahnihnaah a tla thla a, Warner Bros. 'A Minecraft Movie' chuan USD mtd 13.7 la lutin pathumnaah a kai chho leh thung. Ram chhunga a sum lak luh zawng zawng hian USD mtd 400 a hnaih tawh hle a, khawvel pumah USD tld 1 a hmu chhuak tling teuh tawh hle bawk.

Amazon MGM American thriller 'The Accountant 2' chuan USD mtd 9.5 la lutin No.4-ah a rawn lang a, Sony horror movie 'Until Dawn' chu USD 3.8 la lutin Top 5-ah a lang ve bawk.

Box Office Top 10-ah hian 'The Amateur', 'The King of Kings', 'Warfare', HIT: The 3rd Case' leh 'The Surfer' te an lang bawk a ni.