Edufest 2025 - The Aizawl Career Fair

Lynchpin leh Zalen buatsaih Edufest 2025 - The Aizawl Career Fair chu May 6 - 7 hian Millenium Center, Rooftop ah zing dar 9 aṭanga tlai dar 5 chhungin neih a ni leh dawn.

"Mizoram pawn lam college-a zirna dap mek te tana University/College a thawkte ngei, a kara midang (middleman) tla zep loa hmaichhana indawr tir hi Edufest in a tum ber a ni a, internet lamah thil tam tak hriat theih ni mah se hmaichhan ngeia indawr tluk a awm lo," tiin huaihawttute chuan an sawi.

Zirna In rawn tel turte hi UGC/AICTE accredited vek niin paramedical course, nursing, pharmacy, engineering civil, petroleum, computer science, agriculture, humanities, science, commerce, allied science, graphic designing, medical, engineering, management, fashion desinging (NIFT) leh a dangte dawr theih an ni dawn.

College ṭhenkhat chuan scholarship an pe thei a, spot admission bakah free counselling a awm leh bawk ang.

Edu Fest hi Mizo zirlaite tam takin an lo chhawr ṭangkai tawh a, phai college leh univesity-ah admission te hmuin hna hmuh kawngah a lo pui nasa hle tawh a ni.