Netflix Global Top 10-ah India film 2 a lang

Netflix India original, 'Jewel Thief : The Heist Begins' chu kar liam taa khawvel huapa Netflix-a non-English movie entu ngah 10 zingah telin No 3-ah a lang.

He film hi heist thriller niin, Jaideep Ahlawat leh Saif Ali Khan te an chang. 'Jewel Thief' bakah Netflix Global Top 10-ah hian Indian film dang, 'Court : State Vs A Nobody' pawh a kar thumna atan a lang chhunzawm leh a, No 7 a ni.

Kookie Gulati leh Robbie Grewal te direct, 'Jewel Thief ' hian Netflix-ah view mtd 7.8 a nei a, watch hour hi mtd 15.4 a tling bawk. Mafia boss (Ahlawat) in lunghlu ru tura rukru a rawih dan chungchang niin, rukru ah hian Saif Ali Khan a chang a ni.

'Court State Vs A Nobody' hi Telugu film niiin, view mtd 1.4 leh watch hour mtd 3.5 a nei a ni. March 14 khan tlangzarh niin, tlangzarh karah khan No 5 a ni pha.