Submarine thriller 'Subversion' ah Chris Hemsworth

Australian actor, Chris Hemsworth chu Amazon MGM submarine thriller "Subversion" ah a chang dawn a, he film-ah hian Lorenzo di Bonaventura chu producer a ni ang.

Andrew Ferguson script ziah hi Patrick Vollrath-a'n a direct dawn a ni. He film-ah hian Hemsworth chu Naval commander angin a chang dawn a, international waters-a dan phal loh bungraw phurtu, tuihnuai lawng hlauhawm tak khalh tura bum a nih chungchang a ni. Ferguson hian BlackList-ah script pali a ziak tawh a, chung zinga pakhat "Blood Rush" tih chu Amazon MGM-ah siam mek a ni. Kum 2016 khan short film "Everything Will Be Okay" vangin Oscar nomination a lo hmu tawh a ni. Hemsworth hi Amazon MGM film, "Crime 101" ah a chang dawn bawk a, hei bakah Marvel Studios, "Avengers: Doomsday" ah Thor angin a vawi kuana atan a inlan dawn a, May 2026-a tih chhuah tum a ni.