Kayne West-a'n a album 'Donda 2' tlangzarh

American rapper leh record producer Kayne West chuan a album "Donda 2" tlangzarhin, livestream-a tih chhuah a tum thu a sawi.

"Donda 2" hi kum 2022 tir lam aṭanga siam ṭan niin, rapper hian 2021 album sequel tih chhuah a nih tur thu February thla khan a lo sawi tawh a, Future chu executive producer a nih tur thu a tarlang. He album hi Stem Player-ah chauh tih chhuah a ni a, project-a hla ṭhenkhat hi Fivio Foreign leh the Game te tana siam a ni. "Donda 2" version thar, Thawhlehni tlaia tlangzarh hi streaming service hrang hrangah artist hming Donda hmanga tih chhuah a ni a, hla 18 a awm. Jack Harlow chu track pakhat "Louie Bag"-ah tel ve in, Sean Leon chu "SCIFI" hlaah a tel bawk a, West-a nupui hlui Kim Kardashian pawhin "SCIFI" ah hian a aw thawh ve bawk a ni.