'Landman' season 2-ah Sam Elliot

American actor Sam Elliot chu Paramount+ series "Landman" Season 2-ah a inlan dawn. Taylor Sheridan series season 2 hi Texas-ah siam mek niin, Elliott-a role tur hi puan chhuah a la ni lo thung. Series-a a changtu ber Billy Bob Thornton bakah Demi Moore, Ali Larter, Andy Garcia, Jacob Lofland, Michelle Randolph, Paulina Chávez, Kayla Wallace, Mark Collie, James Jordan, leh Colm Feore te nen an inlan dawn.

"Landman" hi Sheridan leh Christian Wallace te siam a ni a, podcast "Boomtown" behchhana siam niin West Texas oil business-a executive leh field worker-te chungchang a ni. Elliott hi Thornton nen an thawh dun vawi khatna a ni lo a,"Tombstone"-a scene pakhatah an langdun tawh a ni. An pahnih hian Paramount+ series "1883" ah pawh an inlan a, he series hi "Yellowstone" prequel hmasa ber a ni. Elliot hian Bradley Cooper film "A Star Is Born"-a a chan avangin Oscar nomination a hmu a, "Tombstone," "Mask," "The Big Lebowski," leh "The Contender" vangin hriat a lo hlawh phah tawh hle bawk.