Oscar 2027 aṭangin category thar awm dawn

Board of Governors of the Academy of Motion Picture Arts and Sciences chuan kum tina Academy award sem chhuah ṭhinah,nakkum 2027 aṭangin 'Stunt design category' dah belh tum a nih thu an puang. He category hi kum 2028 Academy Award sem leh hun aṭangin sem tel a ni tawh ang.

Category thar siam hi director leh producer David Leitch kaihhruai stunt community chuan a rawt a ni. Leitch hi tun hmain stunt-man ṭhin niin ani bakah hian an thil beisei tih hlawhtlin a nih theihna tur hian Stunt Unlimited member leh designer ni bawk Chris O'Hara leh mi dang eng emaw zatin presentation neiin, Academy-a Board of Governor-te chuan category thar siam chu an pawm pui zui ta a ni.Hemi hmang hian film hrang hrang hlawhtlinna atana thawktu, stunt hrang hrangte tan in pholanna ṭha leh an thawhrimnate chuan ngaihhlut a hlawh zia pho lan a ni thei tawh ang. He hmalakna thar hi film siamtu hrang hrang chuan lawmawm an tih thu pawh an sawi hlawm bawk.